ပြည်သူ့လွှတ်တော်(သတင်း)
ဥက္ကဋ္ဌ။ ။ လဟယ်မဲဆန္ဒနယ်မှ ဦးဆားမူမေးမြန်းဖို့ဖြစ်ပါတယ်။
ဦးဆားမူ(လဟယ်မဲဆန္ဒနယ်)။ ။ လေးစားအပ်ပါသော ပြည်သူ့လွှတ်တော် ဥက္ကဋ္ဌကြီးနှင့်
ပြည်သူ့လွှတ်တော် ကိုယ်စားလှယ်တော် အားလုံး မင်္ဂလာအပေါင်းနှင့် ပြည့်စုံကြပါစေကြောင်း ဆုမွန် ကောင်း
တောင်းအပ်ပါတယ် ခင်ဗျား။ ကျွန်တော်ကတော့ နာဂကိုယ်ပိုင် အုပ်ချုပ်ခွင့်ရ ဒေသ၊ လဟယ် မဲဆန္ဒနယ်
ပြည်သူ့လွှတ်တော် ကိုယ်စားလှယ် ဦးဆားမူဖြစ်ပါတယ်။ နာဂ ကိုယ်ပိုင် အုပ်ချုပ်ခွင့်ရ ဒေသ ဖြစ်သော လေရှီး၊
လဟယ်၊ နန်းယွန်းမြို့နယ် ဆေးရုံများနှင့် မြို့နယ်ခွဲ တိုက်နယ် ဆေးရုံများတွင် လစ်လပ်လျက် ရှိသော
ဆရာဝန်များ ခန့်ထားမှု အပေါ် ကျွန်တော်တို့ နိုင်ငံတော်နှင့် ကျန်းမာရေး ဝန်ကြီးဌာန၊ ပြည်ထောင်စု
ဝန်ကြီးတို့ကို နာဂပြည်သူများနှင့် အတူ ကျေးဇူးတင်ရှိ ပါကြောင်း ပြောကြားလို ပါတယ်။ လဟယ်မြို့ပေါ်တွင် ၂၅
ခုတင်ဆံ့ ဆေးရုံ ဖွင့်လှစ်ပေးထားပြီး ဆရာဝန် တစ်ဦးသာလျှင် ခန့်ထား ပေးလျက်ရှိပါတယ်။ ဆရာဝန်နှင့်
ဆေးဝါးများ၊ ဆေးရုံသုံး ပစ္စည်း ကရိယာများ မပြည့်စုံသည့် အတွက် ဒေသခံ လူနာရှင်များ အခက်အခဲ
တွေ့ကြုံနေရပါတယ်။ လဟယ်ဒေသမှ ပြည်သူများအနေဖြင့် ဆေးစစ်ဆေးခြင်း ပြုလုပ်ရန်အတွက် ခန္တီး၊
မန္တလေးမြို့သို့ သွားရောက် ကြရပါတယ်။ အလားတူ လေရှီး ဒေသခံ ပြည်သူများ ကတော့ ဟုမ္မလင်း၊ မုံရွာသို့
လည်းကောင်း၊ နန်းယွန်း ဒေသခံ ပြည်သူများ ကတော့ တနိုင်း၊ မြစ်ကြီးနားသို့ လည်းကောင်း သွားရောက်
နေကြရပါတယ်။ ဒါကြောင့် ခရီးသွားလာရေး နှင့် ငွေကြေး အခက်အခဲများနှင့်  တွေ့ကြုံနေကြရပါတယ်။
ဒီလိုဖြစ်ရ ခြင်းဟာ ဆရာဝန်နှင့် ဆေးဝါး၊ လူနာ၊ စမ်းသပ်ပစ္စည်း၊ ဓာတ်မှန်စက်နှင့် ခွဲစိတ်ခန်းသုံး ပစ္စည်းများ
ပြည့်စုံစွာ မရှိခြင်းကြောင့် ဖြစ်ပါတယ်။ ဒါကြောင့် အောက်ပါ မေးခွန်းများကို မေးမြန်းအပ်ပါတယ်။ နာဂ ကိုယ်ပိုင်
အုပ်ချုပ်ခွင့်ရ ဒေသ လေရှီး၊ လဟယ်၊ နန်းယွန်း မြို့နယ် ပြည်သူ့ဆေးရုံများတွင် လိုအပ်လျက်ရှိသော
ကျန်းမာရေး စစ်ဆေးမှု ကိရိယာများနှင့် ခွဲစိတ်ခန်းသုံး ကိရိယာများ ခွဲဝေချထားပေးရန် အစီအစဉ်ရှိ၊ မရှိနှင့်
ရှိပါက မည်သည့် အချိန်ကာလတွင် ခွဲဝေချထားပေးမည်ကို သိရှိလိုပါ၍ ဒေသခံ နာဂတိုင်းရင်းသား ပြည်သူ
အားလုံးကိုယ်စား လေးစားစွာဖြင့် မေးမြန်းအပ်ပါတယ် ခင်ဗျား။ အားလုံးကို ကျေးဇူးတင်ရှိပါတယ်။
ဥက္ကဋ္ဌ။ ။ သက်ဆိုင်ရာပြည်ထောင်စု ဝန်ကြီးဌာနမှ ပြန်လည် ဖြေကြားဖို့ဖြစ်ပါတယ်။
ဒေါက်တာဝင်းမြင့် (ဒုတိယဝန်ကြီး၊ ကျန်းမာရေးဝန်ကြီးဌာန)။ ။ လေးစား အပ်ပါသော ပြည်သူ့
လွှတ်တော် ဥက္ကဋ္ဌကြီးနှင့် လွှတ်တော် ကိုယ်စားလှယ်တော်ကြီးများ ခင်ဗျား။ အားလုံး မင်္ဂလာပါ။
ကျွန်တော်ကတော့ ကျန်းမာရေး ဝန်ကြီးဌာနမှ ဒုတိယဝန်ကြီး ဒေါက်တာဝင်းမြင့် ဖြစ်ပါတယ်။ စစ်ကိုင်းတိုင်း
ဒေသကြီး၊ လဟယ်မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဆားမူမှ နာဂကိုယ်ပိုင် အုပ်ချုပ်ခွင့်ရသော
ဒေသ လေရှီး၊ လဟယ်၊ နန်းယွန်း မြို့နယ်များရှိ ပြည်သူ့ ဆေးရုံများ တွင် ခွဲစိတ်ခန်းသုံး၊ ဆေးရုံသုံး ပစ္စည်းများ
ဖြည့် ဆည်းပေးရန်အစီအစဉ် ရှိ/မရှိ မေးခွန်းနှင့်စပ်လျဉ်း ကျွန်တော် ဖြေကြားသွားမှာ ဖြစ်ပါတယ်။ ကျွန်တော်တို့
ကျန်းမာရေး ဝန်ကြီးဌာန အနေနဲ့ ဆေးရုံများတွင် ဆေးရုံသုံး ပစ္စည်းများကို လုပ်ငန်း လိုအပ်ချက်နှင့် အညီ
ဦးစားပေး အစီအစဉ်အတိုင်း နှစ်စဉ်ရရှိတဲ့ ဘဏ္ဍာငွေပေါ်မှာ မူတည်ပြီးတော့ ဖြည့်ဆည်း ဆောင်ရွက်
ပေးလျက်ရှိပါတယ်။ ကျန်းမာရေး ဦးစီးဌာန၊ ဗဟိုဆေး သိုလှောင်ရေးဌာန ကနေပြီးတော့ လေရှီးမြို့နယ်
ဆေးရုံအတွက် ၂၀၀၄-၂၀၀၅ ခုနှစ်မှာ ဓာတ်မှန်စက်၊ မွေးခန်းသုံး ပစ္စည်းများ ထောက်ပံ့ပေး ခဲ့သလို အခု၂၀၁၂
ခုနှစ်၊ ဇွန်လ အတွင်းမှာလည်း ဓာတ်မှန် စက်တစ်လုံး၊ ခွဲစိတ်ခန်းသုံး မီးစလောင်း တစ်လုံးတို့ကို ဖြန့်ဖြူးပေးခဲ့ပြီး
ဖြစ်ပါတယ်။ ထို့နည်းတူစွာပဲ လေရှီးမြို့နယ်၊ ဆွမ္မရာ တိုက်နယ် ဆေးရုံအတွက် ၂၀၁၂ ခုနှစ်၊ ဇွန်လအတွင်း
မွေးခုတင် တစ်လုံး၊ ခွဲစိတ်ခန်း ပစ္စည်း တစ်စုံတို့ကို ထောက်ပံ့ပေးခဲ့ပြီး ဖြစ်ပါတယ်။ လဟယ်မြို့နယ် ပြည်သူ့
ဆေးရုံအတွက် ၂၀၀၁၊ ၂၀၀၃၊ ၂၀၀၆ ခုနှစ်တွေမှာ ခွဲစိတ်ခန်းသုံး မီးသီး၊ ချွဲစုတ်စက်နှင့် မီးစက် များကို
ထောက်ပံ့ ပေးခဲ့သလို နန်းယွန်း မြို့နယ် အတွက်လည်း ၂၀၀၂၊ ၂၀၀၇၊ ၂၀၁၀၊ ၂၀၁၁ တွေမှာ ဓာတ်မှန်စက်၊
သွားစိုက်ခုံ၊ ခွဲစိတ်ခန်း သုံးပစ္စည်းနဲ့ ဆေးရုံသုံး ပစ္စည်းများကို ထောက်ပံ့ ပေးခဲ့ပြီးဖြစ်ပါ တယ်။ နန်းယွန်းမြို့နယ်၊
ပန်ဆောင် တိုက်နယ် ဆေးရုံအတွက် ၂၀၀၂ ခုနှစ်မှာ ဆေးရုံး သုံးပစ္စည်းများ ဖြစ်တဲ့ လူနာတင် ထော်လီ၊
ဆေးနှင့် ပစ္စည်းတင် ထော်လီများကို ထောက်ပံ့ပေးခဲ့ပြီး ဖြစ်ပါတယ်။ ယခု ကိုယ်စားလှယ်တော်ကြီး တင်ပြတဲ့
လေရှီးမြို့နယ်၊ လဟယ်မြို့နယ်၊ နန်းယွန်း မြို့နယ်ဆေးရုံများ အတွက် ထပ်မံ လိုအပ်တဲ့ ဆေးရုံသုံး ပစ္စည်းများ၊
ခွဲစိတ်ခန်းသုံး ပစ္စည်းများကို သက်ဆိုင်ရာ မြို့နယ် ကျန်းမာရေး ဦးစီးဌာနမှူးအား လိုအပ် ချက်များ တင်ပြ
တောင်းခံ စေပြီးတော့ ညွှန်ကြား ဆောင်ရွက်သွားမည် ဖြစ်ပါကြောင်းနှင့် လွန်ခဲ့တဲ့လ အနည်းငယ်က လေရှီး၊
လဟယ်၊ နန်းယွန်း ဘက်စုံ ဖွံ့ဖြိုးတိုးတက်ရေး အတွက် အဖွဲ့သွားရောက်တဲ့ အခါမှာလည်း ကျန်းမာရေး
ဦးစီဌာနက တာဝန်ရှိ ပုဂ္ဂိုလ် ကိုယ်တိုင် လိုက်ပါပြီးတော့ လိုအပ်တဲ့ ပစ္စည်းများ ကို ယခု စိစစ်ပြီး ဖြစ်ပါတယ်။
ဒါကိုလည်း အမြန်ဆုံး ဆက်လက် စိစစ် ထောက်ပံ့ပေးသွားမည် ဖြစ်ပါကြောင်း တင်ပြဖြေ ကြားအပ်ပါတယ်။
ကျေးဇူးတင်ပါတယ်။
This is my Own Views and researched about our Naga Tribes,Geographical,Economy,Tropical and lives,
Popular Posts
-
အထက်တွင် ဖေါ်ပြသည့်သမိုင်းအရဆိုလျှင် ကျွန်တော်တို့ နာဂမျုးနွယ်စုသည် ရှေးပဝေသဏီကပင် မေဆိုပိုတေးမီးယားတွင် နေထိုင်ခဲ့ပြီး ထိုမှ ခရစ်တေ...
-
မေဆိုပိုတေးမီးယား (Mesopotamia) မှ ဆင်းသက်လာခဲ့ကြသော မွန်ဂိုလူမျိုးများသည် ယခုအခါ မြန်မာနိုင်ငံ နှင့် အိန္ဒိယနိုင်ငံ အရှေ့မြောက်ဘက်တ...
-
အထက်တွင် ဖေါ်ပြသည့်အတိုင်း ရှီလောင်စာချုပ်တွင် နိုင်ငံရေးအရ အရေးနှိမ့်ခဲ့ သော အိန္ဒိယအစိုးရသည် နာဂ အမျိုးသားကောင်စီ နှင့် နာဂဖယ်ဒရယ...
-
ပြည်သူ့လွှတ်တော်(သတင်း) ဥက္ကဋ္ဌ။ ။ လဟယ်မဲဆန္ဒနယ်မှ ဦးဆားမူမေးမြန်းဖို့ဖြစ်ပါတယ်။ ဦးဆားမူ(လဟယ်မဲဆန္ဒနယ်)။ ။ လေးစားအပ်ပါသော ပြည်သူ့လွှတ်တော် ဥက္ကဋ္ဌကြ...
-
(၁) မွေဝါ အီဆက် နိုင်ငံခြားခရီးစဉ် နှင့် ဒေသခံ လူမျိုးရေးကိစ္စ နာဂအမျိုးသားဆိုရှယ်လစ်ကောင်စီ (အီဆက်-မွေဝါ) အဖွဲ့ကို ဖွဲ့စည်းပြီးနေ...
-
သတင်း - ပြည်တွင်း(ရွှေဟင်္သာသတင်းဌာန) Saturday, 14 April 2012 11:16 ...
-
နာဂနိုင်ငံ၏အလံသည်အနံလေး(၄)ပေ အလျားခြောက်(၆)ပေရှိပြီး မိုးပြာရောင်အပေါ်တွင် ခြောက်ထောင့် ကြယ်တစ်လုံးနှင့် သက်တံတစ်ခုဖြင့် ခြယ်ထားသော ...
-
နေမျိုး | ကြာသပတေးနေ့၊ မတ်လ ၁၅ ရက် ၂၀၁၂ ခုနှစ် ၁၆ နာရီ ၄၇ မိနစ် ချင်းမိုင် (မဇ္ဈိမ) ။ ။ ဒေသခံများ၏ စာ...
-
(၁) ဦးဖီဖို၏ ရည်ရွယ်ချက် မအောင်မြင်စေရန် အဟန့်အတား လုပ်ရပ်များ နာဂအမျိုးသားရေး သမိုင်းဖြစ်စဉ်ကို အထက်တွင် ဖေါ်ပြသည့်အတိုင်း လေ့လာ...
Welcome to
Subscribe to:
Post Comments (Atom)
No comments:
Post a Comment