ဆုတောင်းပွဲကို စစ်ကိုင်းတိုင်း ဟုမ္မလင်းမြို့နယ်ရှိ လေဝေယံရွာတွင် ကျင်းပခြင်းဖြစ်ပြီး ဗုဒ္ဓဘာသာနှင့် ခရစ်ယာန် ဘာသာဝင် ဒေသခံ ကူကီးလူမျိုးများနှင့် ရှမ်းလူမျိုးများ ၁၅ဝ ခန့် စုဝေးတက်ရောက်ခဲ့ကြသည်။
အဆိုပါ ဆုတောင်းပွဲကို ဦးဆောင်ပြုလုပ်သူ ကူကီးတိုင်းရင်းသူ မဘွဲ့နူးက "သမ္မတကြီးသာ ပြည်သူလူထုတွေကို ချစ်တယ်ဆိုလို့ရှိရင် ဒီချင်းတွင်းမြစ်ကြီးဟာ၊ မြစ်ရိုးတလျှောက်မှာနေတဲ့ ပြည်သူတွေရဲ့ စားဝတ်နေရေး၊ လမ်းပန်း ဆက်သွယ်ရေးကိုဖြေရှင်း ပေးနေတာကြောင့် ချင်းတွင်းမြစ်ကို ခန်းခြောက် အောင်မလုပ်ပါနဲ့ ချင်းတွင်းမြစ်ကို ထာဝစဉ် လွတ်လပ်စွာ စီးဆင်းပါစေ၊ ထမံသီရေကာတာ စီမံကိန်းကိုရပ်တန့်ပေးဖို့ ကျနော်၊ ကျမတို့က တောင်းဆိုပါတယ်။" ဟု မဇ္ဈိမကို ပြောသည်။
၂ဝဝ၇ ခုနှစ်အတွင်း စတင်ခဲ့သည့် စစ်ကိုင်းတိုင်း ဟုမ္မလင်းမြို့နယ် အတွင်းရှိ ထမံသီဆည် တည်ဆောက်
ရေး လုပ်ငန်းများ ဆက်လက်လုပ်ဆောင်မည်ဆိုပါက ဒေသအတွင်းရှိ ကျေးရွာ ၅၂ ရွာမှ ဒေသခံ ၄၅,၀၀၀ ခန့်
ပြောင်းရွှေ့ပေးရန် ရှိနေသည်ဟုလည်း ကူကီးအမျိုးသမီးများဆိုင်ရာ လူ့အခွင့်အရေး အစည်းအရုံး (KWHRO)မှ ပြုစု သည့် “ချင်းတွင်းမြစ် အပေါ် ဆည်ဆောက်လုပ်မှုရပ်တန့်ပါ” စာတမ်းတွင် ဖေါ်ပြထားသည်။
၂ဝဝ၇ ခုနှစ်အတွင်း လေဝေယံကျေးရွာနှင့် တဇုံးကျေးရွာတို့မှ ဒေသခံ ၂,၄ဝဝ ကျော် ပြောင်းရွှေ့ပေးခဲ့ရပြီး လျော်ကြေး
ငွေ ကျပ် ၅,ဝဝဝ ထောင် ကျော်သာရခဲ့သည်ဟု KWHRO မှခေါင်းဆောင်တဦးဖြစ်သည့် မငိုင်ငိုင်းက မဇ္ဈိမကို
ပြောသည်။ အဆိုပါကိစ္စအပါအဝင် ထမံသီ စီမံကိန်းရပ်ဆိုင်းရန် ဒေသခံပြည်သူများ ပါဝင်ရေး ထိုးထားသည့် လက်မှတ်များအား သမ္မတထံ ပေးပို့တောင်းဆိုသွားမည်ဟု ကူကီးအမျိုးသမီးအဖွဲ့ (KWHRO) ကဆိုသည်။
ထမံသီ ဆည်ဆောက်လုပ်ရေး စီမံကိန်းကို မြန်မာစစ်အစိုးရနှင့် အိန္ဒိယနိုင်ငံ အမျိုးသား ရေအားလျှပ်စစ် ထုတ်လုပ်ရေး
ကော်ပိုရေးရှင်း India’s National Hydroelectric Power Corporation (NHPC) တို့ ၂ဝဝ၄ ခုနှစ်အတွင်း နားလည်မှု စာချွန်လွှာလက်မှတ်ထိုး၍ တည်ဆောက်ရန် သဘောတူညီခဲ့ကြခြင်းဖြစ်သည်။
No comments:
Post a Comment