အမှန်ကိုဆိုရပါလျှင်

အမှန်ကိုဆိုရပါလျှင် ဘယ်သူ့ဘက်မှ ဘက်မလိုက်ပဲ ပြည်သူ့မျက်နှာကိုသာ ဗဟိုပြုလျှက် ပြောသင့်ပြောထိုက်တာကို ထောက်ပြပြောဆိုဖို့ဆိုတာ နှစ်ဖက်အင်အားစုတို့ရဲ့ပြင်ပ သီးခြားလွတ်လပ်တဲ့ရပ်ဝန်းအတွင်းကသာ သုံးသပ်ပြောဆိုနိုင်မှာဖြစ်ပါတယ်။ နာဂဒေသမှာလတ်တလောဖြစ်ပေါ်နေတဲ့ နိုင်ငံရေးအခင်းအကျင်းနှင့်ပကတိအခြေအနေတွေကို ဘက်မလိုက်ပဲ ပြောပါမယ်။

နာဂဒေသမှာ နိုင်ငံရေးပါတိတွေပေါ်ထွန်းလာမှာကို လက်ရှိအာဏာရပါတီြ

ဖစ်တဲ့ ကြံ့ဖွံ့ပါတီဝင်တွေနှင့်ဌင်းတို့ရဲ့အမတ်တွေက မလိုလားကြတဲ့ အသံတွေထွက်ပေါ်နေတဲ့အပေါ် နာဂနိုင်ငံရေးအသိုင်းအ၀ိုင်းကြားမှာတော် တော်လေးပြောစရာဖြစ်နေပါတယ်။ နာဂအမျိုးသားပါတီကြီးတစ်ရပ် ပေါ်ထွန်းဖို့အားထုတ်နေကြရာကနေ အုပ်စုအချို့ရဲ့မတူညီတဲ့ သဘောထားတွေကြောင့် ပြည်မကပါတီကြီးတစ်ခုဖြစ်တဲ့ အမျိုးသားဒီမိုကရေစီအဖွဲ့ချုပ် NLD နှင့်လက်တွဲပြီး နိုင်ငံရေးလှုပ်ရှားမှု တွေလုပ်ကိုင်နိုင်ဖို့ နာဂဒေသအသီးသီးမှာ မြို့နယ်ရုံးနှင့် ခရိုင်ပါတီရုံးတွေ ဖွင့်လှစ်ရာမှာ ဒေသခံကြံ့ဖွံ့အမတ်တွေဖက်က မလိုလားတဲ့ပြောဆို သံတွေထွက်ပေါ်လာသလို၊ လူထုအနေနဲ့လည်း နိုင်ငံရေးမှာပါဝင်လှုပ်ရှားဖို့ အချိန်မတန်သေးကြောင်းလူထုကိုတိုက်ရိုက်ပြောဆိုခဲ့တာဖြစ်ပါတယ်။

ကြံ့ဖွံ့ပါတီရဲ့ဒေသကိုယ်စားပြုလွှတ်တော်အမတ်တွေပြောပြောနေတဲ့ နာဂလူမျိုးတွေအနေနဲ့ အမျိုးသားပါတီကြီးတစ်ရပ်တည်ထောင်ပြီးသော် လည်းကောင်း၊ ရှိပြီးဖြစ်တဲ့ပြည်မကပါတီတစ်ရပ်ရပ်နှင့်လက်တွဲပြီးသော် လည်းကောင်း၊ နိုင်ငံရေးလှုပ်ရှားဖို့ကြိုးပမ်းကြရာမှာ ဒေသခံ ကြံ့ဖွံ့အမတ်တွေအနေနဲ့ ခုလိုပြောဆိုခဲ့တာဖြစ်ပါတယ်။ "....အချိန်စောပါသေးတယ်..." ဆိုတာ ဘာကိုရည်ညွန်းတာပါလဲ။ လက်ရှိအချိန်မှာ နိုင်ငံနှင့်အ၀န်း လူမျိုးတိုင်းနိုးကြားပြီး၊ အားကောင်းတဲ့ ဒီမိုကရေစီနိုင်ငံတော်ကြီးတစ်ရပ်အောင်မြင်စွာပေါ်ထွန်းလာဖို့ ၀ိုင်းဝန်း ကြိုးပမ်း နေကြချိန်မှာ နာဂလူမျိုးတွေအနေနဲ့လည်း၊ နိုင်ငံရေး လှုပ်ရှားမှု တွေကို တရားဥပဒေဘောင်တွင်းကနေ လွှတ်လပ်စွာပါဝင်လှုပ်ရှားဖို့ဆိုတာ လက်ရှိဖွဲ့စည်းပုံအခြေခံဥပဒေနှင့်ပဲဖြစ်ဖြစ်၊ ဘယ်တည်ဆဲဥပဒေနဲ့ ပဲကြည့်ကြည့် ညီညွတ်မှုရှိပြီး၊ ဒီမိုကရေစီစံနှုန်းတန်ဘိုးနှင့်ပါတီစုံစနစ်ရဲ့ သဘောသဘာဝနှင့်လည်းကိုက်ညီတာကြောင့်၊ မူရှုထောင့်ကပြောရလျှင် ဒေသတွင်းမှာ ပါတီတွေပေါ်ထွန်းရေးကိုအားပေးရမှာပဲဖြစ်ပါတယ်။

ဒေသမှာ နိုင်ငံရေးအရအပြန်အလှန်ထိန်းကြောင်းမှုကိုအားကောင်းစေမယ့် ယှဉ်ပြိုင်ဘက်ပါတီ တွေမရှိဘူးဆိုလျှင် အဂတိလိုက်စားမှုနှင့်ပွင့်လင်းထင် သာမှုမရှိတဲ့ နိုင်ငံရေးဦးဆောင်မှုတွေအောက်မှာ အာဏာရှင်နှင့်သူတို့ကို ဘောမတဲ့အုပ်စုတွေသာပေါ်ထွန်း လာမှာဖြစ်ပြီး၊ ဒေသနှင့်လူမျိုးအကျိုးကို နိုင်ငံရေးအရလွှတ်လပ်ပြီးဒီမိုကရေနည်းလမ်းကျကျ ထမ်းရွက်ကြဖို့ဆိုတာ ဘယ်လိုမှမဖြစ်နိုင်ပါဘူး။ ဒေသအမြင်နဲ့ပြောရလျှင် ပါတီစုံဒီမိုကရေစီစနစ်မှာ အားနည်းချက်တွေရှိနေပေမယ့်၊ ယှဉ်ပြိုင်ဘက်ပါတီတွေကြားက အပြန်အလှန်ပါဝါထိန်းညှိမှုနှင့် ပါတီစုံကလူတွေပါဝင်တဲ့အုပ်ချုပ်ရေး ယနရားတစ်ခုမှာ အပြန်အလှန်ထိန်းကြောင်းတဲ့စနစ်ရှိမယ်ဆိုလျှင် နိုင်ငံရေးကို နိုင်ငံရေးသမားတွေနား လည်သလိုနားမလည်တဲ့ ကျုပ်တို့လိုသာမန်ပြည်သူတွေအတွက် အမှန်ကိုအမှန်အတိုင်းမြင်နိုင်ဖို့ အခွင့်အလမ်းတွေဖန်တီးပေးနိုင်တာကြောင့် ဒေသတွင်းမှာပါတီ တွေအားကောင်းစွာ ယှဉ်ပြိုင်ရင်း လူထုအတွက်ရပ်တည်ပေးနိုင်မယ့် ပါတီတွေ၊ ခေါင်းဆောင်တွေပေါ်ပေါက်ရေးကိုအားပေးရမှာပဲဖြစ်ပါတယ်။ ဘယ်ပါတီကိုမဲပေးမယ် (သို့မဟုတ်) မဲပေးရမယ်ဆိုတာ ကျုပ်တို့လိုသာမန်ပြည်သူတွေကိုယ်ပိုင်ဆုံးဖြတ်ရမယ့်ကိစပဲ။

နောက်တစ်ခုက "ဒေသမှာပါတီတစ်ရပ်ပေါ်ထွန်းလျှင် လက်ရှိတည်ဆောက် နေတဲ့ နာဂ-ဗမာငြိမ်းချမ်းရေးလုပ်ငန်းကို ထိခိုက်ပျက်ပြားစေနိုင်တယ်... ဒီလိုဖြစ်ဖို့မလိုလားဘူး.." လို့ဆိုတဲ့ ကြံ့ဖွံ့အမတ်တွေရဲ့အမြင်ပါ။ နာဂလက်နက်ကိုင်တော်လှန်ရေးအဖွဲ့ဖြစ်တဲ့ နာဂအမျိုးသားဆိုရှယ် လစ်ကောင်စီ (ခပ်လန်) နှင့်ဦးသိန်းစိန်အစိုးရတို့ရဲ့ လက်ရှိငြိမ်း ချမ်းရေးစကားဝိုင်းဟာ မြန်မာနိုင်ငံသားရှုထောင့်ဘက်ကပြောရလျှင် နိုင်ငံရေးနှင့်အမျိုးသားရင်ကြားစေ့ရေးအတွက် ကနဦးချေ လှမ်းကောင်းတွေဆိုတာ ကျုပ်တို့အားလုံးလက်ခံပြီးသားပဲ။ ဒါကိုလည်း နာဂလူထုဘက်က သတိနဲ့ကြိုဆိုခဲ့ပြီးသားပါ။ ဒီရှုထောင့်ကကြည့်လျှင် ငြိမ်းချမ်းရေးလုပ်ငန်းဆိုတာ ပါတီတစ်ရပ်၊ အဖွဲ့အစည်းတစ်ခုရဲ့ ကိုယ်ပိုင်အလုပ်လိုမူပိုင်ဆွဲလို့မရဘူး။ လူထုတစ်ရပ်လုံးနှင့်အတူ အင်အားစုအသီးသီးက ၀ိုင်းဝန်းဖော်ဆောင်ကြရမယ့် အမျိုးသားရေးဆိုင်ရာလုပ်ငန်းတစ်ခုပဲ။ လက်နက်ကိုင်ပြီးတော်လှန်ရေးလုပ် တယ်ဆိုတာ စစ်တပ်ဘက်ကကြည့်လျှင် လုံခြုံရေးပြသနာ (သို့မဟုတ်) တရားဥပဒေစိုးမိုးရေးဆိုင်ရာပြသနာပါ။ ဒါပေမယ့် မြန်မာနိုင်ငံရဲ့ အနေအထားက ပြသနာတွေမှာ ရှည်လျှားတဲ့သမိုင်းနောက်ခံ တွေပါဝင်နေတာကြောင့် လုံခြုံရေးနှင့်တရားဥပဒေစိုးမိုးရေးအပြင်၊ နိုင်ငံရေးနောက်ခံတွေပါ ပါဝင်နေတာကြောင့်၊ ဒီလိုပြသနာ တွေကိုဖြေရှင်းရာမှာ နိုင်ငံရေးအင်အားရပ်တွေကိုပါ ထည့်သွင်းစဉ်း စားဖို့လိုလာပါတယ်။ ဒါကြောင့်၊ နိုင်ငံတော်ရဲ့တရားဥပဒေစိုးမိုးရေး ကော်မတီရဲ့ ဥကဌရာထူးကို အမျိုးသားဒီမိုကရေစီအဖွဲ့ချုပ်ရဲ့ဥကဌဖြစ်တဲ့ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်ကို ဦးသိန်းစိန် အစိုးရက ခန့်အပ်တယ်ဆိုတာ နိုင်ငံရေးအရ သင့်လျှော်တယ်လို့ထင်ပါတယ်။

ဒေါ်အောင်ဆန်းစုကြည်ကိုယ်တိုင်ကတောင်၊ နိုင်ငံတော်အဆင့်ဖွဲ့စည်းတဲ့ တရားဥပဒေစိုးမိုးရေးကော်မတီမှာ အမြှင့်ဆုံးရာထူးအနေနဲ့ပါဝင်နေတာ၊ သူမရဲ့ပါတီတွေကို နာဂတောင်တန်းမှာ ဖွင့်လှစ်တဲ့အခါ ငြိမ်းချမ်းရေး လုပ်ငန်းကိုထိခိုက်စေမယ်လို့ယူဆတာဟာ ဘာကိုရည်ရွယ်တယ်ဆိုတာ နားလည်လို့မရဘူး။ နာဂမှာ NLD ပါတီရုံးလာဖွင့်တာ ဒေသလုံခြုံရေးကို ထိခိုက်တယ်လို့ဆိုလိုချင်ပါလား။ နာဂအမျိုးသားပါတီကြီးတစ်ရပ်ဖွဲ့ စည်းဖို့သဘောထားခံယူခဲ့တုန်းကလည်း ဒီလိုပဲအသံထွက်လာခဲ့တာပါ။ အမျိုးသားပါတီတစ်ရပ်ပေါ်ပေါက်ခဲ့မယ်ဆိုရင်တောင် လူထုကိုအခြေပြု ပြီးပေါ်ပေါက်တာဖြစ်လို့ လက်နက်ကိုင်အင်အားစုတွေနဲ့ပါတ်သက်မှု မရှိတဲ့လုပ်ငန်းပဲ။ ငြိမ်းချမ်းရေးဆိုတာ ဘယ်ပါတီဖြစ်ဖြစ်၊ လူသားတိုင်း လိုလားတာဖြစ်လို့ နိုင်ငံရေးစိတ်စေတနာမှန်ကန်တယ်ဆိုလျှင် ဥပဒေနှင့်အညီဖွဲ့စည်းတဲ့ အတိုက်အခံပါတီတွေကြောင့် ဒေသလုံခြုံရေး ကိုထိခိုက်တယ်ဆိုတဲ့ အမြင်မျိုးမရှိသင့်ဘူး။ အဲ့သလိုမြင်တာဟာ လက်ရှိ ၂၀၀၈ အခြေခံဥပဒေမှာ ပြဌာန်းထားတဲ့ လွတ်လပ်စွာပါတီဖွဲ့စည်း တည်ထောင်ခွင့်ဆိုင်ရာပြဌာန်းချက်ဟာ နိုင်ငံတော်ရဲ့အစိတ်အပိုင်းအချို့မှာ အာဏာမသက်ရောက်ဘူးလို့ ထင်မှားစရာဖြစ်စေပါတယ်။ တော်လှန်ရေး သမားတွေပါဝင်နေတဲ့ (သို့မဟုတ်) လွှမ်းမိုးထားတဲ့ပါတီတစ်ရပ်ရပ်ဆိုလျှင် အတော့ အခြေအနေတစ်မျိုးနဲ့စဉ်းစားရမှာပေါ့။

နောက်တစ်ခုက၊ ကျုပ်နားမလည်တဲ့ (ဗဟုသုတနှင့်လေ့လာမှုညံ့လို့ပဲ ပြောပြော) အကြောင်းအရာတစ်ခုပါ။ လက်ရှိဒေသခံကြံ့ဖွံ့အမတ်တွေ ပြောပြောနေတဲ့ "ကျနော်တို့ဒီလောက်ထိကြိုးစားပေးနေတာတောင်၊ မလုံလောက်သေးဘူးလား...၊ နောက်ထပ်ဘာတွေများလုပ်ပေးဖို့မျှော်လင့်ပါ သလဲ...." ဆိုတဲ့စကားရပ်ပါ။ မကြာခဏကြားနေရပေမယ့် ဘာကိုဆိုလိုတယ်ဆိုတာ နားမလည်နိုင်ဖြစ်နေတယ်။ ဒါကြောင့် သာမန်နာဂပြည်သူတစ်ယောက်အနေနဲ့အဲ့သလိုပြောပြောနေတဲ့ ကြံ့ဖွံ့အမတ်တွေကို မေးချင်တာက နာဂဒေသကိုယ်စားပြုအမတ်တွေထဲက ဘယ်အမတ်တွေက လွှတ်တော်တွေထဲမှာ ဘယ်လိုအကြောင်းအရာ မျုိးကိုအဆိုတင်သွင်းပြီး၊ အကောင်အထည်ဖော်တဲ့အနေနဲ့ ဘယ်လိုလုပ်ငန်းတွေက၊ နာဂဒေသတွေရဲ့ဘယ်အပိုင်းမှာ ဘယ်အခန်းဂဏတွေကို ပြောင်းလဲတိုးတက်စေခဲ့ပါသလဲ။ ကျုပ်နားလည်သလောက်ပြောရလျှင်တော့၊ နာဂတောင်တန်းမှာ စာသင်ကျောင်းတွေဖွင့်တာ၊ ဆေးရုံဆေးပေးခန်းတွေဖွင့်တာ (အင်္ဂါစုံတာမစုံတာထားတော့)၊ ဆင်သေ-လဟယ်ကားလမ်း၊ ထမံသီ-လေရှီးကားလမ်း (အမြဲသွားလို့ရတာမရတာထား)၊ ဟုမလင်းနှင့် ဇင်္ဂလိန်းခမ်းတီးမှာ လေယဉ်ကွင်းရှိတာ၊ ခုမှမဟုတ်ပါဘူး။ တာတောင်၊ မြောက်ပိုင်းမှာ ခက်ခဲတယ်ဆိုပေမယ့် ရာသီမရွေးသွားနိုင်တာ WWII တုန်းက မဟာမိတ်တွေဖောက်ခဲ့တဲ့ လီဒိုလမ်းပျက်လေးရှိနေလို့ပါ။ တကယ်တမ်းပြောရလျှင် နာဂတောင်တန်းမှာ လုံးဝမရှိတာထက်စာလျှင် မသေစာလောက်ရှိနေတဲ့ အခြေခံအဆောက်အဦးတွေဟာ နအဖစစ်အစိုးရလက်ထက် ဦးသန်းရွှေကြောင့်ပါ (ဦးသန်းရွှေ ကိုထောမဌာပေးတာမဟုတ်ဘူး၊ အမှန်ကိုပြောတာ)။ သူ့လက်ထက်မှာပဲ နာဂဒေသထမံသီမှာ ကုလားက ရေကာတာဆောက်ဖို့ကို သဘောတူပေး ခဲ့တာ ဘယ်သူတွေဘာမှမပြောခဲ့ကြဘူး။ ၂၀၁၀ ရွေးကောက်ပွဲမှာ နာဂတောင်တန်းတစ်ခုလုံး ကြံ့ဖွံ့ကိုမဲပေးခဲ့ကြတယ်။ ပြည်သူတွေအနေနဲ့ ရွေးချယ်ခွင့်မရှိလို့ အပြစ်ပြောလို့မရပေမယ့်၊ အဲ့ဒီတုန်းက ပြည်သူတွေဆီကမဲဘယ်လိုယူခဲ့တယ်ဆိုတာ ပတ်ကိုင်တောင်ခြေက သာမန်နာဂပြည်မသူတစ်ယောာက်ကို မေးလျှင်သိနိုင်သလို၊ လက်ရှိအမတ်တွေအတွက် မဲဆွယ်ခဲ့ကြတဲ့ ပါတီစည်းရုံးရေးမှုးတွေ ကိုမေးကြည့်လျှင်လည်းသိနိုင်တဲ့ကိစပဲ။ ဒါကြောင့်၊ လက်ရှိဒေသ အစိုးရနှင့်အမတ်တွေအနေနဲ့ ဒေသအတွက် ဒီလောက်လုပ်ပေး နေတာ...ဆိုတဲ့စကားရပ်ကိုပြောရာမှာ...ပကတိအရှိတရားကိုနေပြည်တော်ကနေမဟုတ်၊ ရုံးခန်းထဲကနေမဟုတ်ပဲ၊ ရွာလမ်းမတစ်လျှောက် နောက်ပြန်လှည့်ကြည့်ပြီးမှ ပြောဆိုလျှင် သင့်လျှော်ပါလိမ့်မယ်။

နာဂဒေသမှာ ပြည်သူတွေရဲ့နိုင်ငံရေးရေချိန်နှင့်နိုင်ငံရေးမျှော်လင့်ချက်က ပြည်မက တခြားလူမျိုးတွေလိုမဟုတ်ဘူး။ ဒီမိုကရေစီရေး၊ လူ့အခွင့်အရေး၊ သဘာဝပတ်ဝန်းကျင်ရေး၊ ဟိုအရေးဒီအရေး၊ စတာတွေထက်၊ ပြည်သူတွေရဲ့ လူမှုဘ၀ဖွံ့ဖြိုးတိုးတက်ရေးအတွက် အခြေခံကျတဲ့ အဆောက်အကြောင်းတရားတွေကို တရားမျှတစွာ ကိုင်တွယ်ဖြေရှင်းပေးဖို့ကသာ ကျုပ်တို့လိုသာမန်တောင်ပေါ်သားပြည်သူ တွေအတွက် အဓိကပါ။ လက်ရှိအချိန်မှာ ဒါတွေကို ဆောင်ရွက်ပေးခဲ့တာ မျိုးမရှိသေးတာကြောင့်၊ နောင်မှာ ဒါတွေကိုအာမခံလုပ်ဆောင်ပေး မယ်ဆိုလျှင် ဘယ်ပါတီပဲဖြစ်ဖြစ် ကျုပ်တို့လူတွေကမဲပေးကြပါလိမ့်မယ်။

အချုပ်ပြောရလျှင် ဘယ်သူတွေဘယ်ပါတီထောင်ထောင်၊ ဘယ်ရုံးဖွင့်ဖွင့်၊ အရေးကြီးတာက ပြည်သူတွေအတွက် တကယ်အလုပ်လုပ်ပြီး၊ လူထုကိုလေးစားမှုရှိမယ်ဆိုလျှင် ပါတီဖြစ်ဖြစ်၊ လူပုဂိုလ်ဆိုဆို၊ နာဂလူထုကမဲပေးကြမှာမို့၊ လူထုကိုလေးစားကြပါလို့ပဲပြောချင်ပါတယ်။ တခြားနယ်တွေမှာတော့မသိဘူး၊ နာဂဒေသနှင့်နာဂလူထုကြားမှာတော့ ကိန်းကြီးခန်းကြီးဆန်ဆန်၊ စကားလုံးအလှတွေပြောပြီး၊ တလွှဲလုပ်လုပ်နေသူကိုမလိုအပ်ပါဘူး။ အဘကြိုက်လိုက်လိုက်ထပြ တတ်ကြတဲ့ ပုတ်သင်ညိုလူတန်းစားလည်းမလိုအပ်ပါဘူး။ နာဂလူထုရဲကဘ၀အမောနှင့် ခံစားချက်တွေကိုစာနာပြီး၊ လူထုကိုဗဟိုပြု၊ လူထုကြားမှာအလုပ်လုပ်ပြီး၊ လူထုအတွက်ရပ်တည်ပေးမယ့်၊ လူထုခေါင်းဆောင်တွေသာ လိုအပ်နေတာပါ။ လူထုရဲ့ထောက်ခံမှုကို တကယ်ရလို့ဦးဆောင်နေတယ်လို့ဆိုလို့ရှိရင် လူထုအတွက်လိုအပ်နေ တာကိုသာ ဖြည့်ဆည်းပေးဖို့အားထုတ်ကြိုးပမ်းသင့်ပါတယ်။ အထိုထိုသော ပုဂိုလ်တွေညိုငြင်မှာစိုးလို့ လူထုဆနနှင့်လိုအပ်ချက်တွေကို မျက်ကွယ်ပြုလိုက်တယ်ဆိုတာ လူထုခေါင်းဆောင်တွေရဲ့ အလုပ်မဟုတ်ကြောင်း၊ နာဂဒေသရဲ့လတ်တလောအနေအထားအပေါ် ဝေဖန်သုံးသပ်လိုက်ရပါတယ်။

နာဂတောင်တန်းတစ်ခုံး ဖွံ့ဖြိုးတိုးတက်ပြီး၊ နိုင်ငံတော်ကြီးလည်းငြိမ်း ချမ်းသာယာဝပြောတဲ့ ဒီမိုကရေစီနိုင်ငံတော်ကြီးအဖြစ် ထွန်းပြောင်နိုင် ပါစေ....။

မောင်သုတ

Tu Ta Maung facebook စာမျက်နှာတွင် တင်ထားသော သတင်းကို မူရင်းအတိုင်း မျှဝေခြင်းဖြစ်ပါသည်။